الموضوع باختصار
اني اتعينت في جهينة من 12 سنة
وحصل لي حادث بعد سنة من تعييني ادي لفقدان عيني الشمال
وصراحه الشركه مقصرتش علاجات وعمليات بس للاسف محدش نبهني اعمل اجرائات اصابه تحفظ حقي في التأمين ونتيجه لكدا متانليش ملف اصابات في التأمين لعيني اللي راحت وانا استحرمت اطالب بتعويض لشبهة الحرمانيه ان العين من صنع الخالق ولا تقدر بثمن وقلت الحمدلله الشركه واقفه جمبي وباخد مرتبي بانتظام
المشكله بقي اني اتفاجئت باستدعائي من شهر للتفاوض علي الاستقالة نظير شهرين علي كل سنة عمل و بدل اجازات وارباح وكان المجموع 70 الف جنيه ودا يتصرف في سنه واحدة بس علاج لاني مريض سكر وباخد قطرات غاليه لعيني
دا غير ان سني صغير ومليش اطالب بمعاش مبكر عن 12 سنة تأمين
غير ان مفيش مكان هايرضي اشتغل فيه حاليا بوضعي دا
يعني الحمد لله انا كدا اتدمرت نهائي
وفي رقبتي خمس اطفال
المهم اللي حصل اني رفضت التفاوض لان الوضع كان مهيين جدا ومستفذ من القائم بالتفاوض من الموارد البشرية استاذ مصطفي نشأت
وفوجأت بمنع دخولي من المصنع
طبعا عملت محضر شرطة لاثبات الحالة
وشكوي بمكتب العمل التابع لمنطقة 6 اكتوبر
ومذكرة بالنقابة العامة للعتملين بالاغذية والنقابة بدورها راسلت الشركه اني ابن المصنع وان ماينفعش يكون دا نهاية العلاقه بينا
وكان الرد التجاهل
و بالنسبه للمرتب منزلش وقتها كمان
عملت محضر تاني واثبتت حاله بعدم نزول راتبي بمخالفة القانون وتحديه
وقعدت مع معالي وكيل وزارة القوي العامله ومدير ادارة القوي العاملة بالجيزة استاذ محمد عيسي و الراجل المحترم مشكورا تواصل هاتفيا امامي بالاستاذ عباس سليم مسؤل التأمينات المختص بمصانع جهينة والراجل كتر خيره قعد يتحايل حرفيا لعباس اني ارجع شغلي لان الوضع بالنسبة لي اصبح انتحار اسرة كاملة وكان رد عباس بيه ياخد حقة من المحكمه
لله الامر من قبل ومن بعد
